“Ne fituam! Partia Nacionaliste Baske fitoi zgjedhjet!”. Subjekti politik në fjalë dhe aleatja e tij EH Bildu fituan 27 mandate në zgjedhjet rajonale të Spanjës të mbajtura ditën e diel, por dështuan kuotën prej 38 mandatesh për të siguruar mazhorancën.
Partia Nacionaliste Baske barazoi më atë Eh Bildu në zgjedhjet për rajonin Bask dhe do të mund të riformatojë koalicionin me Partinë Socialiste të Punës.
Pavarësisht se humbi 4 mandate, Partia Nacionaliste Baske ishte më e votuara me 35.2% të votave, ndërsa EH Bildu me 32.5 për qind.
Në fjalimin e tij, kreu i subjektit në fjalë, që do të thotë “Bashkimi i Vendit Bask”, vlerësoi faktin se 4 vjet më parë distanca me nacionalistët ishte 11 mandate, ose 10, ndërsa tani është zero.
Partia Socialiste, që ka qenë partnere e koalicionit të Nacionalistëve që prej 2016-s, fitoi 12 mandate. Kryetari i saj, Eneko Andueza tha se do të vendosë së shpejti dhe me përgjegjësi për të ardhmen.
Vota konsiderohej një test për kryeministrin Pedro Sanchez, i cili ka nevojë për mbështetjen e të dyja partive baske në një Parlament të fragmentarizuar.
