Ish-ministri i Shëndetësisë, Ilir Beqaj mëngjesin e sotëm është paraqitur në Prokurorinë e Posaçme për të marrë “falas” në mënyrë elektronike 602 fashikuj për dosjen “Sterilizimit”.
E njëjta procedurë do të bëhet edhe për 8 persona e tjerë në këtë proces që janë marr të pandehur nga SPAK për çështjen e Sterelizimit.
SPAK vendosi një shifër prej afro 1 milion lekë të reja për person nëse duan t’i marrin fashikujt e dosjes. Kjo gjë u kundërshtua në GJKKO për të cilën togat e zeza i dhanë të drejtën palës mbrojtëse që materialet në këtë fazë t’i marrin falas, duke ia kursyer lekët Beqajt, Rrapaj dhe personave të tjerë në proces.
Sakaq, seanca e radhës për çështjen e sterilizimit do të mbahet më 13 maj.
Të pandehur në këtë proces janë 9 persona, dy prej tyre të lënë në masën “arrest në burg. Konkretisht ish zëvendësministri i shëndetësisë Klodjan Rjepaj dhe biznesmeni Ilir Rrapaj. Dy të tjerë janë lënë në masën “arrest në shtëpi”, ndërsa 5 personat e tjerë në mesin e të cilëve ish ministri i shëndetësisë Ilir Beqaj janë në masën “detyrim paraqitje”.
Mbi 9 të pandehurit rëndojnë akuzat “Shpërdorim detyre”, “Mashtrim”, “Falsifikim i dokumentave”
