Moti i keq po shkakton probleme edhe në transportin ajror në vendin tonë.
Mëngjesin e sotëm një mjegull e dendur ka pushtuar të gjithë zonën e Rinasit dhe për këtë arsye avionët e kanë pasur të pamundur për tu ulur në pistë.
Mjegulla e dendur ka sjellë probleme në uljen e avionëve, ku siç shihet përmes këtyre fotove të shkëputura nga ‘Flight Radar’, 3 avionë nuk janë ulur ende për shkak të mjegullës të dendur. Kurse disa fluturime janë shtyrë dhe disa janë vonuar.
I gjithë rrethi i Krujës nga Thumana e deri në afërsi të Vorës është zgjuar nen petkun e një mjegulle të dendur, e cila krijon mjaft vështirësi në lëvizje. Dendësia e mjegullës është mjaft e madhe dhe shikueshmëria nuk është më shumë se pak metra. Të gjithë personat që udhëtojnë nga veriu për në Rinas, Tiranë apo anasjelltas duhet të tregojnë kujdes.
