Nënkryetar i Partisë Demokratike, Oerd Bylykbashi ka vlerësuar rolin që kanë luajtur departamentet e PD në skanimin e qeverisjes së PS-së, e cila sipas tij ka shkaktuar një dëm të madh jo vetëm shtetit, por edhe shqiptarëve.
Gjatë një takimi me departamentet e kësaj partie, Bylykbashi tha se skanimi ka treguar një qeverisje skandaloze nga Edi Rama.
“Vendim i paprecedentë jo vetëm për demokracinë shqiptare, por për gjithë demokracitë në vendet ish-komuniste, është arrestimi i liderit të opozitës, Sali Berisha, pa pasur prova dhe fakte”, tha Bylykbashi.
Nënkryetari i PD-së tha se Edi Rama sot kontrollon gjithçka nga sistemi gjyqësor, te media, shoqëria civile, institucionet, ndaj dhe sot jemi në një krizë shumëplanëshe.
Bylykbashi tha se zgjedhjet e shkuara treguan se si pushteti përdoret për të grabitur votën dhe më pas për të grabitur pasuritë e shqiptarëve.
