Një punonjës i bashkisë së Elbasanit ka rënë nga vinçi teksa riparonte llambat elektrike të shtyllave të ndriçimit. Ngjarja ka ndodhur rreth orës 12 të paradites në lagjen “5 Maji”, teksa shkak ka qenë defekti në vinç.
Ai është dërguar në spital në kujdesin e mjekëve.
“Rreth orës 12:00, shtetasi E. B., 56 vjeç, punonjës i bashkisë Elbasan, gjatë punës mbi vinç, për riparimin e llambave elektrike në shtyllat e ndriçimit, në lagjen “5 Maji”, dyshohet se për shkak të një defekti në vinç, është rrëzuar dhe për pasojë është dëmtuar. 56-vjeçari është në spital, në kujdesin e mjekëve.”- njofton policia.
Grupi hetimor po punon për zbardhjen e plotë të rrethanave.
