Një lokal në zonën e Zvërnecit në Vlorë është përfshirë nga flakët paraditen e kësaj të enjteje. Si pasojë e flakëve ka pasur vetëm dëme materiale.
Policia dyshon se zjarri është shkaktuar nga një shkëndijë elektrike.
“Rreth orës 09:50, në fshatin Zvërnec, Vlorë, ka rënë zjarr dhe është djegur pjesërisht, një lokal në pronësi të shtetasit L. R. Si pasojë janë shkaktuar vetëm dëme materiale. Nga veprimet e para hetimore dyshohet se zjarri ka rënë për shkak të një shkëndije elektrike.” – njofton policia.
Grupi hetimor po punon për zbardhjen e rrethanave të rastit dhe për përcaktimin e shkakut të rënies së zjarrit.
