Drejtori i arrestuar i Veliajt, Redi Molla, përmes avokatëve i është drejtuar gjykatës, ku kërkon kthimin e telefonit të bashkëshortes së tij, të sekuestruar nga Prokuroria e Posaçme (SPAK) në kuadër të hetimeve për dosjen “5D”.
Seanca ishte parashikuar të mbahej këtë të enjte, por u shty për në datën 23 prill.
Burimet për mediat bëjnë më dijë se aparati celular është sekuestar gjatë kontrolleve që SPAK ka bërë në ambjente të ndyshme me qëllim gjetjen e dokumentave apo sendeve të tjera të cilët do t’i shërbinin hetimit.
Përfaqësuesit e akuzës në shërbim të dosjes do të kryejnë edhe akteksperizën në kërkim të provave të mundshme.
Kujtojmë se Redi Molla, ish drejtori i UKT-së, bashkë me Mariglen Qaton, ish drejtor i Inspektoriatit të Mbrojtjes së Territorit (IMT) në Bashkinë e Tiranës, u arrestuan nga SPAK, pasi akuzohen se nëpërmjet kompanisë “5D Konstruksion” sh.p.k., të drejtuar indirekt prej tyre, kanë përfituar dhjetra miliona euro para publike, përmes prokurimeve të Bashkisë së Tiranës dhe institucionet vartëse të saj.
