Ish-kryeministri Sali Berisha, në fjalimin e tij nga “Rruga e shpresës”, tha se demokracia nuk dhurohet, por ajo fitohet.
Berisha, duke iu drejtuar popullit demokrat dhe të gjithë qytetarëve, bëri një thirrje për të vazhduar betejën vendimtare për shpëtimin e demokracisë.
“Demokracia grabitet dhe zhduket kur ajo nuk mbrohet. Askush nuk ua dhuroi demokracinë, shqiptarëve në vitet ’90.
Demokracia fitohet me betejë dhe me guxim, sakrifica, shpresë dhe ngadhnjim. Demokracia duhet mbrojtur. I dënuar është çdo komb që e harron këtë mësim.
Ne jemi në luftën vendimtare të shpëtimit të demokracisë. Beteja jonë nuk është një betejë e humbur.
Pas shumë sulmesh ne kemi fituar çdo betejë që kemi bërë deri më sot. Edi Rama u përpoq të na vjedhë PD-në. Sot PD është e bashkuar, është gati për rikthimin e saj në pushtet.”
