Leroi Sane mbeti me pasoja nga takimi Arsenal-Bayern Munchen, ndonëse ishte protagonist absolut në fitimin e penalltisë.
Gjatë seancës përgatitore të ditës së diel, ai nuk iu bashkua grupit kryesor, por është parë i veçuar, duke kryer ushtrime më të thjeshta dhe jo shumë impenjative, me qëllim çlodhjen.
Në prononcimin e shkurtër për prestigjiozen “Bild”, Leroi tha: “Ndihem mirë, ndonëse jo me ushtrime dhe seanca të gjata. Shpresoj se do të jem në fushë të mërkurën. Na pret një ndeshje shumë e rëndësishme dhe kontributi i çdo futbollisti është jetik. Besoj se do t’ia dalë në kohë”, deklaroi Sane.
