Përfaqësues të Bashkimit të Sindikatave janë ngritur në një protestë përpara presidencës për shkak të probleme që kanë hasur me marrjen e pagave të cilat janë fituar në gjykatë prej gati 10 vitesh.
Shoferët e Parkut të Autobusave deklarojnë se kjo është një situatë absurde pasi pagat e tyre janë fituar në gjykatë dhe nuk po zbatohen vendimet e gjykatave.
“Unë jam një ish shofer në Parkun e Autobuzave dhe kam punuar prej 20 vitesh dhe kam 36 paga që nuk kam marrë akoma dhe vlera e tyre shkon deri në 10 milionë lekë të vjetra. Kemi gati 10 vite dhe nuk zbatohet vendimi i gjykatave.
Bashkia thotë që parku ka pasur nr llogarie në vete por të gjitha shpërblimet që bëheshin në park i bënte bashkia dhe nuk kishte se si të ishte vetë-administrim. Tani gjysma e parkut e ka marrë eco tirana dhe janë marrë të gjitha asetet e parkut dhe habitesh po ta vëzhgosh me kamër.
Përmbaruesit janë të paaftë ta zgjidhin këtë problem që po hasim ne.”- tha një nga protestuesit.
