Një person i armatosur ka tentuar të grabisë një pikë këmbimi valutor në lagjen numër 1 në shëtitoren Taulantia në Durrës.
Me kapuç dhe armë në dorë hajduti është afruar në drejtim të exchange, por punonjësit e kanë vënë re që ai ishte i armatosur dhe nuk kanë hapur derën e sigurisë brenda pikës së këmbimit valutor.
Pasi dera nuk iu hap, grabitësi u largua me shpejtësi nga vendngjarja.
Policia ka sekuestruar pamjet filmike nga subjekti dhe po punon për identifikimin dhe kapjen e të riut.
