I ftuar në emisionin Task Force në SYRI TV për të folur mbi vendimin e kryeministrit Rama që të mbrojë me çdo kusht mandatin e Olta Xhaçkës ishte analisti, Erl Murati.
Murati është shprehur se Xhaçka është e lidhur me shumë afera të dyshimta ku më e rënda ishte pajisja me pasaportë diplomatike mikun e kryeministrit Rama e cila u zbulua në aferën McGonigal.
Minimalisht në rastin e Olta Xhaçkës ne kemi dy standarte, ne kemi parë në rastet e tjera kur akuzat mbi përfaqësuesit e PS kanë qenë më të ashpra dhe e ka lëshuar menjëherë duke u shprehur që të përballen vetë me drejtësinë. Ka diçka që ne se dimë se përse kryeministri ka vendosur që ta mbrojë me çdo kusht Olta Xhaçkën edhe duke marrë përsipër kostot politike.
Si një mik personal i kryeministrit është pajisur me pasaportë diplomatike si e pamë në rastin e skandalit McGonigal dhe me aferat e tjera që e lidhin me pronat e ushtrisë zonja Xhaçka ka qenë e atakuar.
Për të gjithë këto afera kryeministri ka zgjedhur ta mbrojë politikisht duke marrë mbi vete faturën politike dhe nuk e e di nëse ajo ka ambicie më që të vazhdojë karrierën e saj politike.
