Nga viti 2019 deri në vitin 2024 gjithçka ka ndryshuar te Real Madrid. Në pesë vjet, transformimi ka qenë spektakolar. Një rinovim absolut i dy shtyllave të klubit: stadiumi dhe ekipi.
Në maj 2019, klubi i bardhë filloi dy punime: rikonstruksionin e plotë të “Bernabeut” dhe atë të ekipit. E para, ajo e stadiumit, nisi më 25 të atij muaji pas më shumë se pesë vitesh punë.
E dyta, ajo sportive, e bëri këtë gjashtë ditë para, më 19 maj 2019, pasi mbylli një sezon 2018-2019 të stuhishëm dhe që i la vendin një revolucioni të ngadaltë por të pandalshëm.
Pesë vjet më vonë stadiumi “Bernabeu” është afër përfundimit dhe në të njëjtën periudhë kohore Madridi do t’i vërë gjithashtu gurin e fundit (Mbappe) revolucionit të tij sportiv.
Në këtë mënyrë nuk ka asnjë gjurmë të “Bernabeut të vjetër dhe pothuajse asnjë gjurmë të skuadrës me të cilën u mbyll ai sezon 2018-2019, tani pa Navas, Varane, Marcelo, Llorente, Isco, Asensio, Benzema, Zidane, Bale, Casemiro, Regujon, Ramos, Mariano, Odriozola.
Kështu, në të njëjtën kohë që Madridi ndërtoi hipogjeumin, montoi tabelën elektronike 360 gradë, mbylli çatinë… Klubi gjithashtu ka hapur derën për Bellingham, Rodrigon, Kamavingën, Tçuamenin, Militaon, Rudigerin, Alaba, Endrikun, Gylerin dhe … Mbapenë.
Nëse rikonstruksioni i stadiumit ka qenë një kryevepër e inxhinierisë moderne, ai i ekipit ka qenë një kryevepër e planifikimit sportiv sezon pas sezoni.
