Policia e Tiranës ka vënë në pranga dy persona, një 32-vjeçar i cili ka ushtruar dhunë ndaj bashkëshortes së tij dhe një 39-vjeçar i cili u kap duke drejtuar automjetin në gjendje të dehur.
“Specialistët për Hetimin e Krimeve të Komisariatit të Policisë Nr. 1 arrestuan shtetasin I. G., 32 vjeç, banues në Tiranë, pasi ka ushtruar dhunë ndaj bashkëshortes së tij.
Specialistët e Policisë Rrugore Krujë arrestuan shtetasin I. P., 39 vjeç, banues në Lezhë, pasi u kap duke drejtuar automjetin, në gjendje të dehur.”- njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
