Mesfushori i kombëtares shqiptare, Odise Roshi i ka dhënë fitoren ekipit të tij Sakaryasor, në fitoren 2-0 kundër Boluspor, duel ky që vlente për raundin e 29-të në Ligën e Parë të Turqisë. Fieraku ka qenë protagonist me një gol dhe një asist.
Në minutën e tretë Odise Roshi asistoi për Del Valle, me vendasit që gjetën epërsinë. Më pas “Raketa” kuqezi tundi rrjetën në të 43 minutë për të “vulosur” tri pikët e të tijve. Për të qenë protagonist absolut, 32-vjeçari u ndëshkua me karton të verdhë në pjesën e dytë.
Odise Roshi këtë sezon ka shënuar pesë gola me ekipin e tij, ndërsa ka asistuar në tre raste.
Follow our main account @FootColic pic.twitter.com/6eCC7tzHFc
— All goals on @Footcolic | Follow (@AlfredaPee11776) April 6, 2024
