Partia Demokratike vijon turin e takimeve me bazën. Këtë të premte, Gazmend Bardhi, kreu i grupit Parlamentar dhe Flamur Noka ishin në një takim me demokratët e Vaut të Dejës.
Gjatë fjalës së tij, Bardhi foli për aferat që e kanë përfshirë mazhorancën si dhe hodhi akuza të drejtëpërdrejta ndaj Edi Ramës, për të cilin tha se pasi largo inga detyra ministren e Bujqësië e mori pranë vetes sikëshilltare.
Më tej Bardhi në fjalën e tij u tha demokratëve të Vaut të Dejës se në zgjedhjet e ardhshme PD është fituese.
Ai gjithashtu pranoi se viti që kanë përpara zgjedhjeve mund të konsiderohet I vështirë, një vit të cilin ai tha se të gjithë duhet ta projektojnë si fitues.
“Me fondet e Bujqësisë u ndërtuan vila” Gazment Bardhi: Rama e shkarkoi ministren si përgjegjëse për vjedhjet e fondeve të BE, tani e ka marr këshilltare.
Kemi përpara një vit të vështirë. Viti që kemi përpara është vit sakrifice, por është edhe vit që secili prej nesh do të duhet të ndërtojmë projektin fitues, projektin që i jep ndryshimin e shumëpritur të shumicës dërrmuese të qytetarëve shqiptarë”
Kjo është një zonë që ka në fokus bujqësinë. Ju e dini çfarë bëhet me fondet e bujqësisë. Ato shkojnë tek një numër i caktuar njerëzish që shpesh nuk përdoren për prodhime bujqësore por shkojnë për të ndërtuar vila apo kompani të një grushti njerëzish të lidhur me qeverinë.
Kjo ishte arsye pse BE u detyruar për shkak të korrupsionit të ndërpriste subvencionet që kishte planifikuar për fermerët shqiptarë.
E shkarkoi ministren e Bujqësisë për shkak të këtij skandali dhe për shkak se SPAK të niste hetimet për grupin e strukturor brenda AZHBR-së. Ata që shkarkoi si përgjegjëseve për vjedhjen e fondeve e ka marrë këshilltare, për ta këshilluar si të vjedhë fondet”, tha Gazmend Bardhi.
