Është rikthyer normaliteti në të katër pikat doganore me Greqinë, pasi kanë qëndruar të mbyllura për 48 orë për shkak të grevës së Sindikatave Doganore në Greqi.
Të katërt pikat kufitare me shtetin fqinj, dogana e Kapshticës, e Kakavijës, e Tre Urave dhe Qafë Bota, kanë qenë të mbyllura që prej orës 05:30 të së martës së 2 Prillit dhe janë hapur mëngjesin e sotëm në orën 05:30.
Nuk është lejuar qarkullimi i automjeteve, autobusëve dhe kamionëve, por kanë qarkulluar vetëm këmbësorët, pa bagazhe, dhe automjetet që kanë patur emergjenca shëndetësore.
Tashmë pikat kufitare janë funksionale dhe në orët në vijim një fluks i shtuar i lëvizjeve nga të dyja krahët.
