Vetëvrasjet duke konsumuar fotoksinë po shtohen gjithnjë e më shumë në vendin tonë. Një tragjedi e tillë është regjistruar edhe ditën e sotme në Fier.
Autoritetet policore raportojnë se një grua i ka dhënë fund jetës duke konsumuar fotoksinë. Viktima është shtetasja V.D., rreth 60 vjeçe banuese në fshatin Hasturkas, njësia administrative Libofshë.
Ajo është transportuar me urgjencë në spitalin e Fierit, por nuk ka mundur do të mbijetojë. Sipas Policisë, dyshohet se gruaja vuante nga probleme të shëndetit mendor.
Grupi hetimor vijon punën për sqarimin e rrethanave dhe dokumentimin e plotë ligjor të këtij rasti”,-thuhet në njoftimin e policisë
