Si sot 33 vite më parë, më 2 prill 1991, u regjistrua ngjarja e rëndë që njihet si masakra e fundit e komunizmit në Shqipëri, pasi pas një proteste kundër regjimit u ekzekutuan 4 persona të pafajshëm në qytetin e Shkodrës. Pas një proteste kundër regjimit, plumbat e forcave të policisë morën jetën e Bujar Bishanakut, Arben Brocit, Nazmi Kryeziut dhe Besnik Cekës, sot të shpallur martirë të demokracisë, ndërkohë që me dhjetëra u plagosën.
Në këtë ditë veçantë të historisë, janë mbajtur homazhe nga të dy krahët e politikës në Shkodër, para memorialit për nder të 4 dëshmorëve të Demokracisë.
Por, në momentin kur memorialit po i drejtohej kryebashkiaku socialist i Shkodrës, Benet Beci, është regjistruar një incident. Një i ri i Forumit Rinor të Partisë Demokratike, i është afruar kryebashkiakuat dhe ka tentuar që ta ndalojë që të shkonte drejt monumentit, duke tentuar t’i zërë rrugën.
“Ti s’duhet të vish këtu!” – me këto fjalë i është drejtuar i riu Benet becit.
AMë pas, ai është shoqëruar nga efektivët e Policisë dhe ceremonia ka vijuar normalisht.
