Joana Sanz, bashkëshortja e Daniel Alvesit, konfirmoi se qëndron krah ish-lojtarit, i cili javën e kaluar u lirua nga burgu me kusht, pasi depozitoi si garanci shumën 1 milion euro.
Alves pret një vendim për apelin e tij kundër dënimit me 4 vjet e gjysmë burg për abuzim seksual.
Modelja ka publikuar një foto në rrjetet sociale në të cilën shfaqet dorë për dore me brazilianin.
Kur u lirua, Alves u akomodua në shtëpinë që të dy ndanin në Barcelonë.
Informacionet e fundit tregojnë se ka qenë një revistë braziliane ajo që ka paguar garancinë për ish-lojtarin, në këmbim të një interviste dhe një reportazhi kur personazh ishte edhe Joana Sanz.
