Të paktën 15 persona u vranë dhe po aq u plagosën, shtatë prej tyre në gjendje të rëndë, në një zjarr që shpërtheu në një klub nate nën një ndërtesë në Stamboll, raporton Daily Sabah.
Administrata e qytetit njoftoi se zjarri ka ndodhur në një klub që ndodhet nën një ndërtesë 16-katëshe në Besiktas. Shkaku i zjarrit është ende duke u hetuar.
Pas thirrjes së urgjencës, në vendin e aksidentit kanë mbërritur zjarrfikëset, ekipet mjekësore dhe policia.
Zjarrfikësit kanë shuar zjarrin me ndihmën e 31 automjeteve dhe 86 personave.
