Shqipëria shënon sot 15-vjetorin e anëtarësimit zyrtar në NATO, Organizata e Traktatit të Atlantikut të Veriut. Në këtë ditë të veçantë një urim ka ardhur edhe nga ambasada e Shteteve të Bashkuara të Amerikës në Tiranë.
Në një postim në rrjetet sociale ambasada amerikane thotë se zhvillimi i Shqipërisë në një partner dhe aleat të besueshëm ka qenë i jashtëzakonshëm.
“15 Vite së Bashku: Udhëtimi i Shqipërisë me NATO-n | Që nga anëtarësimi në NATO në 2009, zhvillimi i Shqipërisë në një partner dhe aleat të besueshëm ka qenë vërtet i jashtëzakonshëm. Sot Shqipëria ka siguri, stabilitet dhe qëndrueshmëri – sot Shqipëria ka NATO-n. Së bashku, ne qëndrojmë më të fortë. Edhe shumë vite të tjera si aleatë në NATO”, shkruhet në postimin e Ambasadës.
