Një zjarr masiv ka rënë pasditen e kësaj të premte buzë rrugës Plug-Savër.
Mësohet se zjarri fillimisht ka rënë aksidentalisht në një kanal ku janë djegur disa barishte dhe më pas flakët janë përhapur deri në afërsi të ambienteve të një biznesi.
Rreth orës 16:15 flakët janë afruar në biznesin buzë autostradës me disa njësi tregtimi ndër të cilat edhe një gomisteri.
Si pasojë e përhapjes së flakëve janë djegur disa panele dhe nje automjet tip furgon i vjetër jofunksional, në një karburant në afërsi të kanalit, i cili prej kohësh ka qënë i mbyllur dhe jashtë funskionit.
Zjarrfikësit e Lushnjes në ndihmë të të cilëve erdhën dhe zjarrfikësit e Divjakës vunë nën kontroll zjarrin, por dëmet materiale janë të konsiderueshme.
Ndërhyrja e zjarrfikësve ka izoluar zjarrin duke mos e lejuar të djegë pjesën e brendshme të bizneseve.
Grupi hetimor po punon për sqarimin e plotë të rrethanave të rënies së zjarrit dhe zbulimin e kapjen e autorit/ve.
