Eshtë liruar nga burgu mesditën e kësaj të enjte, ish-kryebashkiaku i Fushë-Arrëzit, Fran Tuci, i dënuar për shpërdorim detyre dhe shkatërrim prone së bashku me dy bashkëpunëtorët e tij Durim Margjekaj dhe Ndoc Marku.
Mësohet se Tuci ka shlyer dënimin prej 1 viti e 6 muaj me kohën e qëndrimit në paraburgim.
GJKKO pranoi kërkesën e avokatëve për shuarjen e dënimit. 234 milionë lekë është dëmi i përllogaritur nga SPAK në buxhetin e shtetit për të cilin Tuci dhe dy të tjerët u shpallën fajtor, vendim që u la në fuqi edhe nga Apeli i Posaçëm.
Sipas organit të akuzës, Fran Tuci ka shpyllëzuar një zonë të madhe në bashkinë që drejtonte, duke ndërtuar një segment rrugor, për të cilën ai vetë thotë se i është kërkuar nga qytetarët e zonës.
