Pasi mposhtën Francën me rezultatin 0-2 në miqësoren e 23 marsit, Gjermania regjistroi një tjetër performancë pozitive, teksa mbrëmjen e sotme mposhti Holandën me rezultatin 2-1.
Një fitore me përmbysje e gjermanëve. Miqtë kaluan të parët në avantazh me Verman në minutën e katërt, ndërkohë që festa e “tulipanëve” zgjati shumë pak, pasi ishte mbrojtësi Mitelstadt, i cili në minutën e 11-të, vendosi baraspeshën.
Për golin e fitores mendoi sulmuesi Fulkrug, i cili u hodh në fushë në minutën e 73-të në vend të Haverc, teksa vetëm 12 minuta në fushë i mjaftuan për të shënuar golin e fitores.
Në sfidat e tjera miqësore, Anglia ka barazuar 2-2 ndaj Belgjikës. “Tre luanët” vinin me shumë mungesa në këtë takim, teksa për t’ua komplikuar edhe më shumë, mendoi Tielemans që shënoi dy herë në pjesën e parë.
Megjithatë skuadra e Southgate u kundërpërgjigj dy herë, duke barazuar përkohësisht me Ivan Toney dhe më pas duke vulosur rezultatin 2-2 në minutën e fundit shtesë me anë të goleadorit të kampionatit spanjoll, Jude Bellingham.
Në sfidat e tjera miqësore, Franca ka mposhtur me përmbysje 3-2 Kilin, ndërsa Zvicra i falet golit të Shaqirit për të mposhtur 1-0 Irlandën. Një rezultat surprizë ka qenë humbja 2-0 e Portugalisë kundër Sllovenisë.
Rezultatet:
