Një banesë është përfshirë nga flakët në fshatin Shkopet në afërsi të Hidrocentralit në Milot. Ngjarja ka ndodhur në orët e para të ditës së sotme, rreth orës 02:00, teksa në banesë ndodhej çifti i të moshuarve Gjergj e Dile Kola.
Të moshuarit kanë qenë në gjumë në momentin kur ndodhi ngjarja, teksa kur kanë ndjerë flakët janë zgjuar dhe janë menduar të shuajnë flakët me mjete rrethanore, ndërsa kanë lajmëruar edhe shërbimin zjarrfikës.
Zonja Dile tha se zjarrfikësja ka shkuar me vonesë ndërsa shprehet se natën e kanë kaluar jashtë. Ajo shtoi se banesa e saj ka qenë e pabanueshme që nga tërmeti i 26 Nëntorit të vitit 2019, por nuk kanë pasur strehim pasi çadra e dërguar më shumë se 4 vite më parë është prishur e gjitha.
