Pamjet që shihni në fotot e mëposhtme i përkasin banesës ku u regjistrua shpërthimi me tritol në orët e para të mëngjesit të kësaj të hëne.
Siç e shihni edhe tek pamjet, tritoli është vendosur tek porta e oborrit të banesës së shtetases Frida Sala, 62 vjeçe. Nga shpërthimi është dëmtuar edhe një automjet i cili ndodhej pranë murit rrethues të banesës.
Ngjarja ka ndodhur rreth orës 03:40, në lagjen “Tom Kola”, pranë Shkollës Pyjore. Mësohet se banesa monitorohej me kamera sigurie. Si pasojë e shpërthimit janë shkaktuar vetëm dëme materiale.
Ende nuk dihen arsyer që mund të kenë çuar në vendosjen e tritolit. Grupi hetimor po kryen veprimet për sqarimin e rrethanave të ngjarjes, identifikimin dhe kapjen e autorit.
