Shqipëria nuk ka mundur të marrë asnjë fitore në këto dy miqësore të muajit mars.
Kuqezinjtë janë mposhtur sot me rezultatin minimale me rezultatin 1-0 nga Suedia.
Pas asaj ndeshjeje të dobët ndaj Kilit, djemtë e Sylvinhos reaguan në mënyrën e duhur dhe treguan se e meritojnë pjesëmarrjen në Euro 2024.
Pas përfundimit të ndeshjes, protagonistët kanë dhënë intervistat e tyre për “Supersport”, ku një ndër tyre, Nedim Bajrami shprehet:
“Lojën e parë me Kilin e dinim që ishte kundërshtar shumë i fortë. Morëm dy gola në fund që nuk duhet t’i merrnim.
Sot zhvilluam një paraqitje shumë të mirë. Por ata janë një ekip i madh dhe na shënuan. Për goditjet nga larg kështu e ka futbolli.
Duhet të ushtrohemi më shumë dhe do t’i japin golat në Europian. Më pëlqen të luan më tepër si mesfushor ofensiv, por luaj edhe në krahë nëse do trajneri. Kur të kthehemi për Europianin do të jemi të gjithë gati”.
