Një ngjarje e rëndë është regjistruar këtë të premte në një sallë koncertesh dhe në një qendër tregtare që ndodhen pranë njëra-tjetrës në Moskë të Rusisë
Mediat ndërkombëtare raportojnë se kanë qenë tre persona të armatosur rëndë dhe të veshur me veshje luftarake që hapën zjarr ndaj popullsisë civile dhe shkaktuan 2 shpërthime me granata.
Nga të shtënat masive, raportohet që të jenë vrarë të paktën 40 persona dhe janë plagosur mbi 100 të tjerë, teksa numri i viktimave shtohet me kalimin e minutave.
“Njerëz të maskuar, të paktën tre të tillë, u shfaqën në katin e parë të Crocus City Hall dhe hapën zjarr me armë automatike,” raportoi RIA Novosti, duke cituar korrespondentët në vendin e ngjarjes.
Shërbimi Rus i Sigurisë ka shkuar në skenën e krimit, teksa ngjarja për momentin po konsiderohet si sulm terrorist. Mbi 50 ambulanca ndodhen në vendngjarje.
Qindra njerëz ishin mbledhur në sallë për të parë një koncert të grupit muzikor “Picnic”. Godina ka shpërthyer në flakë pas sulmit, teksa ende nuk dihen motivet.
Për të shtënat masive ka reaguar edhe Shtëpia e Bardhë, duke shprehur ngushëllimet për viktimat dhe tha se po mbledh informacione lidhur me këtë ngjarje të rëndë. Shtëpia e Bardhë u bëri thirrje amerikanëve në Rusi që të shmangin zonën ku ka ndodhur sulmi me armë dhe të mbajnë kontakte me Departamentin Amerikan të Shtetit.
Mediat ruse kanë publikuar edhe pamje të tmerrit brenda qendrës tregtare dhe sallës së koncerteve ku shihen trupat e viktimave dhe të plagosurve.
Më poshtë mund të shihni disa video që qarkullojnë në rrjetet sociale:
Rusya’nın Başkenti Moskova’da bir konser salonuna silahlı saldırı yapıldı çok sayıda ölü ve yaralının olduğu bildiriliyor pic.twitter.com/m6LAe9kbF0
— Politic Türk (@politicturk) March 22, 2024
⚡️⚡️ The first seconds of the attack on Crocus City Hall – two masked men with automatic weapons shoot the crowd, everyone is dead.
Kremlin media reports an explosion. pic.twitter.com/7zXs2xAS0t
— NEXTA (@nexta_tv) March 22, 2024
#NOW A shooting incident occurred in the Crocus City Hall concert venue near #Moscowpic.twitter.com/GWW1oGDKpZ
— WORLD AT WAR (@World_At_War_6) March 22, 2024
⚡️⚡️ The roof began to collapse in the Crocus City Hall. There are people in the building. pic.twitter.com/ILDXuy6SCh
— NEXTA (@nexta_tv) March 22, 2024
