Deputeti i PD-së. Saimir Korreshi në një lidhje skype me MCN ka komentuar miratimin e dy komisioneve hetimore parlamentare dhe për reformën zgjedhore ku u shpreh se dhe brenda PD-së ka të pakënaqur.
Ai tha se situata në shëndetësi është dramatike dhe se po ashtu dhe në sistemin TIMS dhe se qytetarët kanë të drejtë për transparencë për të ditur se ku kanë shkuara paratë e taksave të tyre.
Sipas tij sa i përket çështjes së vulës së PD-së nuk ka asnjë marrëveshje, ndërsa bëri me dije se ky kod zgjedhor dëmton në mënyrë të frikshme opozitën.
“Parlamenti dje prodhoi atë që prisnin së pari një pjesë e njerëzve vjedhjen, makutërinë që qeveria Ramës bën dhe ta denoncojnë. Jo çdo gjë shkon vaj, por realiteti është për të vënë kujën. Dje pati disa panorama, pati dhe të përjashtuar. Mendoj se patjetër që në PD sidomos ka dhe të pakënaqur, por ka një renditje të caktuar dhe një koherencë të caktuar. Kur 43 deputetë përfshi dhe Rithemelimin, Bardhin kemi dashur me i vesh kostumin e kryetarit tani çfarë të themi ne, ne kemi dashur që ai të ishte përfaqësuesi jonë. Po ashtu dhe Gjekmarkaj, vetë ne kemi votuar për të qenë atje.” tha Korreshi.
I pyetur se çfarë pritshmërish ka ai për sistemin TIMS dhe çfarë mendon se do arrijë komisioni, ai tha se për fat është te një nga këto komisione dhe do japë kontributin e tij maksimal.
“Situata në shëndetësi është dramatike. Mendoj se sistemi i zgjerimit ishte skandaloz ndërsa në spitalet e Tiranës u vodhën miliarda euro po ashtu dhe me chekupin ku patëm bura shtatzënë dhe gra me prostatë, kjo ishte një çmenduri. Përderisa prokuroria pretendon ti çojë atje ku duhet dhe transparenca publike është ajo që duhet sepse njerëzit janë ata në fund fare që paguan taksat se Rama s’po na bën nder po na jep lekët që mblidhen nga taksat e personave dhe ata kanë nevojë për transparencë se si janë kanalizuar këto para dhe si janë vjedhur. Ne do ndjekim këtë, lekët si janë kanalizuar. Sa i përket TIMS patjetër që aty është luajtur në mënyrë abuzive dhe i gjithë sistemi pothuajse ka pasur një bllokim. Sistemi TIMS do shohim patjetër rezultatet dhe mendoj se dhe aty ka për konsum publik por realisht ka shkelje të rënda nga ata që kanë për detyrë ti ruajnë këto sisteme. Ditën e hënë kemi lënë mbledhjen e parë të komisionit hetimor për shëndetësinë.” tha Korreshi.
Ndërsa zërave nëse vula ishte pjesë e marrëveshjes PS-Rithemelimi, Korreshi e mohoi duke u shprehur se nuk ka asnjëlloj pazari.
“Gjykata e lartë kishte shprehur, e kam thënë se politika është 90 % më shumë nga ajo që perceptohet, por nuk ka një marrëveshje dhe e them me bindje se s’ka asnjëlloj pazari dhe u kthye realisht për tu njohur të drejtat shumicës që i takojnë. Dhe vula do të vijë tek ne sepse de facto është kthyer vula. Sa i përket kodit zgjedhor dëmton në mënyrë të frikshme opozitën dhe ajo që u prodhua në këto dy vite u ishte një neglizhencë.” – tha ai.
