Gjykata e Posaçme ka rrëzuar kërkesën e avokatëve të kreut të Dhomës së Avokatisë Korçë, Arben Lena që akuzohet për ushtrim të ndikimit të paligjshëm.
Avokatët kërkuan ndryshim të masës së sigurisë.
Lena ka masën e sigurisë arrest në burg për veprën penale të ushtrimit të ndikimit të paligjshëm tek personat që ushtrojnë funksione publike.
Ai ra në pranga pasi, sipas SPAK, në këmbim të pesë mijë eurove, premtoi zbutjen e masës së sigurisë ndaj Bledar Koçizit.
Ky i fundit ishte arrestuar për trafikim të emigrantëve. Për të mos e mbajtur në burg, sipas hetimeve, janë premtuar një pagesë prej 5 mijë euro dhe personat e përfshirë në krim kanë bashkëpunuar për të ndikuar te gjykata dhe prokurorët.
