Për shumë vite ai njihej si baroni i drogës dhe i pakapshmi nga ana e policisë dhe prokurorisë. Për një dekadë me radhë ai mundit ti shpëtojë dhjetra operacioneve të zhvilluara për kapjen e tij. Por arratia e Gezim Çelës do të merrte fund në 8 dhjetor të vitit të kaluar ku ai u arrestua në Kosovë nën shoqërine dy vajzave nga Shqipëria.
Karriera e 56 vjecarin në krimin e organizuar shqiptarë mund të ndahet në dy periudha nga fundit i viteve 90 deri në vitin 2014 ku u mendua se grupi i tij u godit fort ,por gjë nuk ndodhi kështu dhe pas këtij viti ku Çela vazhdonte i pashqetësua trafikun e drogës nga një vend i vogël si Fushë Kuqa.
Në pjesën e parë të kësaj puntate të Kronos do të fokusohemi në dekadën e parë të aktivitetit të Gezim Çelës. Ai për disa vite në fillim të viteve 90 shërbeu në policinë shtetit për tu larguar nga rradhën e saj në vitin 1997. Lidhjet që kishte krijuar gjatë kësaj kohe në polcinë e shtetit ai do ti përdorë gjatë dy dekadave për të shmangur disa operacione për arrestimin e tij si dhe për ti krijuar lehtësira në trafikun e drogës.
Në fund të viteve 90 ai fillon aktivitetin e tij kriminal dhe menjeherë bie në sy të autoriteteve italianë duke e cilësuar atë një personazh me peshë fillimisht në shfrytëzimin e prostitucionit dhe më pas trafikut.
Në 2003 ai dënohet me 11 vite burg në vendin fqinj dënim të cilin nuk e kreu asnjëherë atje. Cela prangoset në Shqipëri me qëllim ekstradimin por që mundi të lirohet duke perdorur një sere mekanizmash të cilat e bënë të pamundur që ai të dërgohet në Itali.
Çela sipas disa raporteve mjeko ligjore vuante nga probeleme shendetësore dhe për këtë arsye ai shmangu burgun dhe ekstradimin dhe në këtë mënyrë mund të vazhdonte tashmë i pashqetësuar aktivitetin kriminal.
Prej këtu nis ngjitja e tij kur për 10 vite me radhe nga bregdeti i Patokut ai do të trafikonte heroinë, kokainë dhe kanabis.
Linja e tij e trafikut të heroinës përfshinte një serë vendesh e cila niste në Turqi, Bullgari, Kosovë dhe më pas Shqipëri. Lidhjet që ai kishte krijuar në Itali po shfrytëzoheshin për të furnizuar më lendë narkotike kryesisht Italinë në ato vite dhe më pas edhe në vende te tjera të europës.
Informacionet agjensitë ligjzbatuese shqiptare e kishin për atë që më pas u cilësua baron i drogës por që ishte e pamundur të faktohej me prova përfshirja e tij.
Për të arritur në qershorin e vitit 2014 ku një aksion mes policisë tonë dhe asaj kosovare u bë I mundur goditja e grupit të Gezim Çelës. Disa persona u arrestuan në atë kohë në të dyja anët e kufirit por baroni i drogës për cudi arriti të shpëtontë, ai ishte i vetmi që mundi të shamngë policinë duke ngritur dyshime në atë kohë se operacioni u dekonspirua. Lajmi se në Fushë Kuqe ishin nisur forcat speciale të policisë së shtetit për të arrestuar Çelën doli më parë në media dhe në kohën që blutë mberritën në shtëpinë e objektivit nuk e gjetën atë aty.
Megjithatë në vilën e Çelës u gjetnë plot prova metariale që e lidhnin atë me trafikun e drogës. Gjatë kontrolleve u gjtën 18 kilogramë kokainë,150 kilogramë kanabis, 9 armë, 3 snajpera, makina të blinduara si përzierës që duheshin për të përgatitur drogën duke e shndërruar banesën e tij në një laborator. Në të njëjtën kohë në pikën kufitare të Morinit u arrestua me 7 kilogramë kokainë Reald Musolli i cili e kishte marrë drogën ne Prishtinë dhe do e dergontë në Fushë Kuqe.
Këtë sasi lendë narkotike Musolli e siguroi nga Valentina Tufina e cila njihej ndryshe me nofkën tezja e kokainës.Ajo kishte ngritur një lobarotor në Kosovë ku përpunonte kokainës dhe bahskëpunëtorë të ngushtë në trafik kishte Gezim Çelën. Bashkëpunimi mes të dyve u faktua në atë kohë nga përgjimet që i ishin kryer të dyve dhe kapja në flagrance Musollit. Ndryshë nga Çela, tezja e kokainës u arrestua nga policia në kosove dhe u dënua me 6 e gjysëm burg.
Shumë në atë kohë menduan që grupi i Gezim Çelës u godit dhe nuk do të kishte më të njëjtën peshë në trafikun e lëndëve narkotike drejt europës. Por nuk ndodhi ajo që ishte parashikuar ,vetitë për tu përshtatur në këtë realitet të ri e të pakapshmit nga ana e policisë ishin të shumta dhe ai mundi të mbijtetojë dhe madje u bë edhe me i rëndësishëm në trafik.
Goditja në vitin 2014 që iu bë grupit të Gezim Çelës nuk e dobësoi këtë të fundit, përkundrazi aktiviteti I tij në trafikun e narkotike u rrit. Informacionet e policisë ishin se ai dërgonte sasi të madha kanabisi drejt Italisë kohë e cila përkoi edhe kanabizimit evendit nga 2015 deri në vitin 2017.
Operacionet për prangosjen e baronit të drogës vazhdonin të dështonin dhe dyshimet ishin se policia e njoftonte se në Fushë Kuqe do të zhvillohej një operacion policior.
Gëzim Çela e vazhdonte aktivitetin e tij i pashqetësuar deri në verën e vitit të kaluar. Në gusht policia shqiptare do të zhvillonte një operacion të koduar “flakë në det” dhe objektivi ishte goditja e një rasti trafiku dhe arrestimi i të pakpshmit, Gëzim Çela.
Informacionet e policisë ishin se nga Laguna e Patakut do të trafikohej sasi e konsiderueshme droge, e cila do të shkembehej me kokainë në det të hapur. Një mekanizëm të cilin vetëm një personazh me shumë ndikim si Çela mund të vinte ne jetë duke qënë se ai ishte personi që kishte kontaktet dhe mundësitë për ta bërë.
Policia shqiptare këtë radhë kishte bërë një plan të mirë për shkak se informacioni që kishte ishte i dorës së parë dhe mengjesin e 14 gushtit të vitit 2023 nga bregu i Patokut nisen një gomonë e ngarkuar me kanabis e drejtuar nga Besnik Brokeri dhe bashkë më të ndodhej edhe Arben Dalipaj. Ky i fundit një personazh i rëndësishëm i njohur me pseudonimin “kapelja” dhe për çudinë e të gjithëve arriti ti shpëtojë policisë në këtë aksion. Dalipaj në këtë rast trafiku kishte rolin e siguriesit të kanabisit dhe dyshohet se droga kishte ardhur nga Vlora.
Në të njëtën kohë në det të hapur priste një velierë e drejtuar nga dy shtetas ukrahinas të cilët kanë bërë të mundur marrjne e kanabisit dhe menjehrë kanë tnetuar që të ikin.
Por trafikantët nuk e dinin që të gjithë këto veprime kanë qënë duke u ndjekur nga policia e cila ka vendosur të ndërhyjë. Në këtë moment ukrahinasit kanë vendosur ti vënë flakën velierës ,veprim nga i cili mori edhe emrin aksioni i policisë. Të marrë në pyetje dy shtetasit e huaj i thanë policisë shqiptare se veliera kishte marrë flakë si pasojë e një shëkndije elektrike por provat e mbledhura tregojnë për një zjarrvënie të qëllimshme. Në momentin e ndalimit ata ishin në një mjet të vogël shpëtimi që e kishin në velierë.
Trafikantët tentuan të fshinim gjurmët megjithatë provat sërish ishin aty duke qënë se thasët me kanabis nuk u dëmtua plotësisht.Policia deri në këto momente kishte të ndaluar 3 persona dy ukrainas dhe drejtuesin e gomones.
Nga hetimi ka rezultuar se roli i Gezim Çelës në këtë rast është ai i organizatorit. Dyshimet e hetuesve janë se ai është pika e kontaktit me dy shtetasit ukrainas të cilët kishin mbërritur në ujrat territoriale shqiptarë duke shmangur mënyrën ligjore, njoftimin e policisë në këtë rast.
Gjatë këtij aksioni policia arrestoi edhe disa persona të tjerë dhe një ndër ta ishte Arlind Ismailukaj i cili u prangos në tokë tek restoranti Royal Blue. Sipas hetimeve ai ka pasur rolin e trasportuesit të lëndës narkotike nga Vlora në Patok ,duke qënë se zotëronte edhe një biznese makinash me qera. Bahskë me Ismailukajn u arrestua edhe Armando Mema ,duke qënë se ndodhej në makinë me të.Gjithashtu gjatë kontrollit që iu bë mjetit më të cilin udhëtonte iu gejtën sasi të madha parash. Sipas hetuesve drogë që merrej në Vlorë depozitohej pranë këtij lokali i cili zotërohej nga Nerim Çela dhe më pas dergohej ne det të hapur nga gomet të cilat qëndronin në bregun e detit.
Në të gjithë këtë aksion të zhvilluar me detaje nga polcia e shtetit dhe parteneret e saj është e çuditshme se si dy njerëzit kyç të këtij trafiku nuk u arrestuan dot nga policia kur e gjithë zona ishte e rrethuar nga polcia si nga deti, ashtu edhe nga toka.
Gezim Çela edhe kësaj radhe arriti ta shmangte policinë duke e merituar plotësisht pseudonimin e të pakapshmit. Por si kishte ndodhur që ai të arratisej sërsih. Ajo që prej kohësh flitej se ai ndihmohej nga vetë policia u faktua. Dy muaj pas operacionin “flakë në det” u arrestua shefi I komsiariatit të Laçit Dritan Metaj. Sipas hetimeve ai kishte ndihmuar baronin e drogës që të shmangte operacionet e policisë dhe të vazhdonte i pashqetësuar trafikun e drogës nga territori që admnistrohej nga policia e Laçit.
I goditur fort nga agjensitë ligjzbatuese Gëzim Çelaj largohet nga shqipëri duke u fshehur në kosovë, pasi e kosniderontë vend të sigurtë për shkak të lidhjeve dhe njohjeve që kishte atje dhe të krijuara prej vitesh.
Por ky veprim nuk rezultoi shumë i zgjuar pasi ai u arrestua në funt të vitit të kaluar dhe në 27 shkurt u esktradua drejt shqipërisë ku do përballet me akuzat e trafikut ndërkombetar të drogës në kuadër të grupit të strukturuar kriminal.
Në këtë mënyrë mori fund arratia e baronin të drogës i cili pati rol shumë të rëndësishëm në trafikun e drogës drejt vendeve të bashkimit europian. Aftësia e tij për të krijuar lidhje nga Turqia deri europë ishte shumë e sukseshme duke e mbajtur atë për më shumë së dy dekada factor shumë të rëndësishmë në narkotrafik.
/Emisioni “Kronos”
