Gjykata e Apelit ka liruar nga burgu 37-vjeçarin Roland Ahmetsulaj, duke i ndryshuar masën e sigurisë nga “arrest me burg” në “detyrim paraqitje”. Ai ishte arrestuar për atentatin e regjistruar në zonën e “Don Bosko-s” në Janar të vitit 2022, ku mbeti i vrarë Erion Çela dhe u plagosën 4 të tjerë.
Shkëlqim Mustafa, avokati i Ahmetsulajt, ka dorëzuar në gjykatë prova që rrëzuan pretendimet e prokurorisë dhe çuan ne lirimin e 37-vjeçarit.
Roland Ahmetsulaj prej vitësh merret me servis makinash ku ambjenti i tij i punës ndodhet vetëm rreth 1 km larg vendit ku u regjistrua ngjarja e rëndë. Hetuesit kanë dyshime se duke përfituar nga kjo distancë e shkurter 37-vjecari dyshohet të këtë dhënë infomarcione drejt personit të shpallur në kërkim Kevin (Zeneli) Suçi.
ka patur shumë komunikime në orarin kur ka ndodhur ngjarja, por sipas avokatit të Ahmetsulaj biznesi i këtij të fundit ndodhet vetëm 700 m nga vendi i ngjarjes dhe se ka patur komunikime vetëm për punë. Edhe bashkëpunëtorët e drejtësisë Indrit Gentjan Beqiraj, nuk e kanë përmendur emrin e klientit të tij sipas avokatit.
Roland Ahmetsulaj e mohoi përfshirjen në ngjarje edhe në shakllën e parë, ku deklaroi se: “Nuk kam lidhje me ngjarjen. Dy ditë para vrasjes kam patur bisedën me Kevin Suçin për rregullim makine. Më ka marrë për makinën nëse është rregulluar ose jo”.
orositësi i këtij atentati akuzohet se ka qenë Kasandër Noga, për shkak të hasmërisë së vjetër. Ngjarja është zbardhur pas zbërthimit të telefonit të tij, pas arrestimit në Belgjikë. Në rolin e ekzekutorit ka qenë Kevin Suçi, bashkë me dy persona të tjerë të paidentifikuar nga Fushë Kruja.
Krahas këtyre personave, Zeneli ka kontaktuar për kryerjen e ngjarjes dhe Ilirian Feçin dhe vëllezërit Indrit dhe Gentjan Beqiraj. Këta të fundit ishin personat që zbërthyen fillimisht ngjarjen përpara hetuesve të Policisë së Durrësit, të cilët i vunë ata në pranga në Tetor të 2022.
Sipas hetimeve shtetasi Kasandër Noga në bashkëpunim me shtetasin Kevin Zeneli (Suçi), kanë zhvilluar takime dhe biseda, kanë siguruar dhe kanë dhënë shuma monetare, me qëllim vrasjen e shtetasit Geron Hasanbelliu por është ngatërruar shënjestër duke ekzekutuar gabimisht Erion Çelën e plagosur 4 të tjerë.
