Salernitana shkarkon trajnerin Fabio Liverani.
Sipas mediave italiane vendimi i është komunikuar trajnerit rreth orës 17:00 dhe tashmë pritet reagimi nga ana e klubit.
Trajneri pagoi një paraqitje katastrofike të skuadrës e cila ndodhet në vendin e fundit në kampionat. Në 5 ndeshjet e fundit Salernitana numëron vetëm 1 pikë, ndërsa humbja ndaj Lecces duket se ishte përfundimtare për fatet e tij në stolin e skuadrës.
Tashmë skuadra është në kërkim të pasuesit të Liverani teksa në “pole” për drejtimin e klubit është trajneri Stefano Colantuono.
Salernitana praktikisht e ka prerë biletën për në Serinë B, pasi renditet e fundit me vetëm 14 pikë, 11 më pak se Empoli i vendit të 17-të, pozicioni i fundit që ruan qëndrimin në elitë.
