Juventus mund të konsiderohet zyrtarisht në krizë rezultatesh teksa në tetë ndeshjet e fundit, bardhezinjtë njohin vetëm një fitore duke zbritur në vendin e tretë të klasifikimit.
Barazimi i fundit në shtëpi me Genoan la një “shije të hidhur” edhe për futbollin e ofruar ndërsa nuk munguan edhe vërshëllimat kontestuese nga publiku i Allianz Stadium.
Posti i trajnerit Massimiliano është më shumë se kurrë në dyshim teksa livornezi me shumë mundësi do të largohet në fundin e sezonit pavarësisht se ka edhe një vit kontratë.
Të shtumtë janë emrat e shfaqur në media si zëvendësues të Allegrit teksa prej kohësh përflitet njëri mes Antonio Contes dhe Thiago Motta.
Por, së fundmi mediat italiane propozojnë dy emra të rinj. Bëhet fjalë për Vincenzo Italianon e Fiorentinës dhe Raffaelo Palladinon e Monzës.
Megjithatë, për momentin e gjithë kasta drejtuese e Zonjës së Vjetër është e përqëndruar për të mbërritur objektivin sezonal që është rikthimi në Champions League dhe vetëm më pas do të mendohet për trajnerin e ardhshëm.
