Është hedhur këtë të premte shorti i fazës çerekfinale të Uefa Champions League, nga i cili dolën sfida vërtet spektakolare.
Dueli më i zjarrtë që përcaktuan goglat është ai mes kampionëve në fuqi të Manchester City, të cilët do të përballen me rekordmenët e kompeticionit, Real Madrid. Një përballje që mund të konsiderohet pa asnjë dyshim si një finale e parakohshme.
Dueli tjetër që premton po ashtu spektakël është ai mes Paris SG dhe Barcelonës. Dy sfidat e tjera të përcaktuara nga shorti janë ato mes Bayern Munchen dhe Arsnenal, si dhe Atletico Madrid përballë Borusia Dortmund.
Sa u përket gjysmëfinaleve, fituesi i Atletico Madrid-Dortmund do të sfidojë fituesin e PSG-Barcelona. Ndërkohë që çifti i Arsenal-Bayern do të ndeshet me fituesin e Real Madrid-Mancehster City.
Shorti çerekfinale:
- Arsenal – Bayern Mynih
- Atletico Madrid – Borussia Dortmund
- Real Madrid – Manchester City
- PSG – Barcelona
Shorti gjysmëfinale:
Fituesi 2 – Fituesi 4
Fituesi 1 – Fituesi 3
Çerekfinalet do të zhvillohen në datat 9-10 prill dhe 16-17 prill.
Gjysmëfinalet do të luhen në datat 30 prill-1 maj dhe 7-8 maj.
Finalja e madhe është programuar në datën 1 qershor në mitikun “Wembley”.
