Milani bëri detyrën mbrëmjen e sotme duke vulosur kualifikimin për në çerekfinalen e Ligës së Europës, teksa triumfoi në duelin e kthimit ndaj Slavias së Pragës me rezultatin 1-3.
Falë këtij triumfi, kuqezinjtë arritën të kalonin për herë të parë në histori në çerekfinalen e Europa League, që kur ky kompeticion ka marrë këtë emër.
Ndërsa duke pasur parasysh edhe kohën kur Europa League quhej Kupa UEFA, është hera e pestë.
Në Kupën UEFA, Milani kishte shkuar 4 herë në çerekfinale. Hera e fundit ishte sezoni 2001-2002.
