Tirana pret Dinamon, të dielën ora 17:00 në stadiumin “Air Albania”. Kjo ndeshje pritet me interes, pasi stadiumi Kombëtar do të presë sërish një ndeshje Derbi, pas asaj mes Partizanit dhe Tiranës.
Bardheblutë kanë nxjerrë në shitje biletat, çmimet e të cilave variojnë nga 400 lekë prapa porte deri 3000 lekë të reja në tribunën VIP.
Ndeshja pritet të zgjojë interesin e tifozëve. Kjo pasi dhe dy skuadrat garojnë për një vend në “Final Four”.
Aktualisht të dyja skuadrat numërojnë pikë të barabarta (36), ndërsa Dinamo ka 1 ndeshje më pak të luajtur.
