44 masa arresti janë ekzekutuar nga policia italiane e Bolonjas ndaj një grupi kriminal të akuzuar për shitje droge në qendrën historike të qytetit. Organizata, sipas hetimeve, shiste qindra doza kokaine dhe heroine çdo ditë.
Masat e ekzekutuar janë ndaj shtetasve italianë, shqiptarë dhe pakistanezë të cilët blinin sasi të mëdha droge për t’u vendosur në sheshet e ndryshme të qytetit.
U konfirmuan mbi 5000 furnizime kokaine dhe 1500 furnizime heroine. Gjatë hetimeve u sekuestruan 3 kilogramë kokainë, 1 kilogram heroinë, 6 kilogramë hashash, 1500 doza lëndë narkotike dhe 30 mijë euro cash. 36 persona janë arrestuar në flagrancë.
Mbi 400 oficerë policie morën pjesë në operacion, duke përfshirë hetues nga skuadrat e lëvizshme dhe ekuipazhet nga departamentet e parandalimit të krimit, kontingjente nga departamenti i lëvizshëm, njësitë e qenve kundër drogës, departamenti i fluturimit dhe personeli i policisë mjeko-ligjore.
