Bayer Levekuseni nuk e ndal ecurinë perfekte në Bundesligë, duke e bërë formalitet fitimin e titullit të parë në histori. “Aspirinat” mposhtën 2-0 Wolfsburgun në javën e 25-të, duke ruajtur diferencën prej 10 pikësh me Bayernin e Mynihut, kur kanë mbetur edhe 9 ndeshje deri në fund të Bundesligës.
Një ndeshje pa shumë histori në “BayArena”, e diktuar sidomos nga ndëshkimi i Jenz të Wolfsburgut me karton të kuq që në minutën e 28-të.
Golin e parë ekipi i Xavi Alonsos e realizoi Tella në minutën e 37-të, i shërbyer nga Grimaldo.
Golin e sigurisë, që rezultoi dhe i shifrave përfundimtare 2-0 e shënoi Wirtz katër minuta para përfundimit të kohës së rregullt.
