Joao Cancelo ka folur në konferencën për shtyp në prag të sfidës së kthimit ndaj Napolit në Itali.
Për mbrojtësin e Barcelonës është një rikthim në tokën apenine teksa më parë ka luajtur për Inbterin dhe Juventus.
Portugezi nuk kishte se si të mos pyetej për ecurinë e zikaltërve dhe u shpreh se, aktualisht, djemtë e Inzaghit janë të dytët në Europë pas Manchester City, sërish një ish-ekip i tij.
“Kam kujtime të mrekullueshme nga Italia, si në fushë edhe jashtë saj. E di që tifozët e Interit nuk e pëlqyen kalimin tim te Juventus dhe më vjen keq sepse kam bërë shumë miq në Milano. Në nivel njerëzor, Italia është shumë e ngjashme me Portugalinë dhe u ndjeva i kënaqur që në momentin që erdha.
Interi fiton gjithmonë dhe e ka Scudetton në xhep. Pas Manchester City, është i dyti në Europë. Për mua, skaudra e Guardiolës është favorit për të fituar Champions League për shkak të skuadrës dhe trajnerit. Është e vetmja skuadër që ka fituar 8 nga 8 ndeshje, kanë gjithçka për të triumfuar, por pas City sot është Interi”, tha Cancelo.
