Moti i keq me stuhi ere dhe reshje shiu që ka përfshirë vendin ka pezulluar lundrimin në disa qytete bregdetare.
Pas Durrësit dhe Vlorës, raportohet se lundrimi për mjetet e vogla është pezulluar edhe në Shëngjin të Lezhës.
Mësohet se forca e dallgëve ka arritur deri në 8 ballë dhe shpejtësia e erës është mjaft e fortë.
Po ashtu raportohet se stuhia ka sjellë probleme dhe me furnizimin me energji elektrike në disa zona pasi ka dëmtim të linjave.
Sakaq grupet e punes të Operatorit të Shpërndarjes së Energjisë elektrike ndodhen në terren dhe po punojnë për riparimin e defekteve, ndërsa moti i keq pritet të jetë prezent edhe gjatë ditës së martë.
