Është ndarë nga jeta në moshën 84-vjeçare poeti korçar Ylber Merdani.
Poeti ka provuar burgosjen politike e më vonë për shumë vite edhe internimin në fshatin Shtyllë të Vithkuqit.
Me rikthimin e tij në Korçën, Merdani iu përkushtua poezisë e gjithashtu shoqatës së të përndjekurve politikë.
Merdani ka botuar shumë libra me poezi dhe tregime me fokus tmerrin e burgjeve politike.
Ylber Merdani ndër të tjera ka qenë mësues dhe njihet si pasardhës i një prej familjeve më të njohura Korçare.
Ylber Merdani ka qenë pjesë e revoltës se SPAÇ-it.
