Sulmuesi i Shqipërisë, Myrto Uzuni, realizoi dy gola në ndeshjen e skuadrës së tij, Granada, kundër Real Sociedad, të vlefshme për javën e 28-të të LaLiga.
Uzuni realizoi fillimisht me penallti në minutën e 21 dhe pas barazimit të miqve, riktheu epërsinë në fund të pjesës së parë, duke i dhënë një fije shprese skuadrës së tij për të marrë trepikëshin.
Por në pjesën e dytë, Granada u dorëzua në 10 minutat e fundit përballë Sociedad, duke mbetur në vend të parafundit në renditje dhe “pretendente” serioze për të rënë nga kategoria.
Ky ishte goli i nëntë i shqiptarit në këtë edicion në LaLiga, ndërsa numëron edhe një asist.
