Kryeministri Edi Rama u shpreh këtë të shtunë se vendit i duhen më pak bashki.
Gjatë një konference për mediat, Rama u pyet nëse do të ketë shumë shpejt një reformë të re territoriale. Kryeministri tha se ai është i mendimit që duhen më pak bashki, por sipas tij, kjo është në plan të dytë, për sa kohë synohet edhe dakordësia e palës tjetër.
“Reforma territoriale do më pak bashki. Kjo kërkon konsensus me një pjesë të pakicës, por ky është një debat vetëm harxhim kohe. Është e sigurt se nëse bashki të caktuara nëse bashkohen me një tjetër, mund të prodhojnë më shumë ekonomi, rezultat. Për shërbimet janë të qarta sesi do të jetë e ardhmja e tyre. Shqipërisë i duhen më pak bashki dhe më shumë kualitet në administrimin vendor”, tha Rama.
