Një shofer 41-vjeçar është vënë në prangat e policisë pasi, teksa ishte i dehur, është përplasur me një automjet tjetër të parkuar në qytetin e Bilishtit.
“Specialistët e Trafikut Urban dhe Interurban të DVP Korçë arrestuan në flagrancë shtetasin R. K., 41 vjeç, banues në Bilisht, Devoll, pasi në qytetin e Bilishtit, duke drejtuar automjetin tip “Renault”, është përplasur me një automjet tjetër të parkuar. Për pasojë ka marrë lëndime të lehta vetë 41-vjeçari, i cili pas verifikimit të kryer rezultoi se drejtonte automjetin në gjendje të dehur.”– njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
