Një aksident rrugor është regjistruar rreth mesditës së sotme në aksin rrugor Bilisht-Kapshticë, ku një makinë ka dalë nga rruga dhe më pas është përmbysur.
Brenda mjetit të aksidentuar udhëtonin 3 anëtarë të një familje të cilët u dërguan në spital dhe ndodhen jashtë rrezikut për jetën.
Policia ka shkuar në vendngjarje dhe një hetim ka nisur për zbardhjen e shkaqeve të këtij aksidenti.
