Ish-mesfushori i Barcelonas dhe kampioni i botës me Francën, Emmanuel Petit mendon se Vinicius Jr duhej të ishte ndëshkuar me karton të kuq në ndeshjen e luajtur nga Real Madrid kundër Leipzig në Champions.
Vini Jr shënoi në barazimin 1-1 për të arritur në çerekfinalet e kompeticionit më elitar të klubeve në Europë me rezultat të përgjithshëm 2-1.
Dhe ai gjithashtu i shpëtoi kartonit të kuq pasi shtyu Willi Orban të Leipzig gjatë një përplasje së tensionuar.
Petit tha për RMC: “Unë mendoj se është në subkoshiencën e gjyqtarëve. E kam përjetuar në atë kohë me Monaco kundër Milanit të madh, me treshen e tyre të holandezëve që dominuan Europën.
PEPRLASJA E VINICIUS ME ORBAN – VIDEO
“Ata luajtën finalet e Kupës Europiane, fituan titullin. Pati gabime të rënda arbitrimi në shtëpi që nuk u sanksionuan nga arbitri. E megjithatë, ato ishin veprime të pastra.
“Në atë kohë nuk kishte VAR dhe edhe ne lojtarët i thonim vetes se ishte e çuditshme, nuk po flas për korrupsion, nuk po flas për konspiracion.
“Por mendoj se edhe gjyqtarët, kur shkojnë atje, janë të ndikuar… është statusi i Real Madridit. Tani, a mjafton kjo për të justifikuar gjithçka që ka ndodhur për shumë vite tani?
“Unë nuk do të bërtas konspiracion duke thënë se ekziston një dëshirë për të mbrojtur Real Madridin. Por mendoj se në nënndërgjegjen e gjyqtarëve kjo luan një rol shumë të rëndësishëm”.
