Deputeti i PD-së, Saimir Korreshi, ka reaguar në lidhje me përjashtimin e tij nga Kuvendi për 5 ditë, duke thënë se çdo deputet ka të drejtë të protestojë dhe shton më tej se Sekretariati i Etikës është një përrallë me mbret.
Në lidhje me mbledhjen e Këshillit Kombëtar, Korreshi tha se ka dhe nga ata që nuk e duan bashkimin e PD-së.
“Masat për përjashtime janë qesharake. Tashmë jam mësuar, jam bërë përsëritës, sepse dhe më herët jam përjashtuar. Çdo deputet ka të drejtë që të protestojë. Thjesht mua më kapi lapsi.
Sekretariati i Etikës është një përrallë me mbret. Në lidhje me mbledhjen e Këshillit Kombëtar të PD-së, mund të them se ka dhe nga ata që nuk e duan bashkimin, nuk kemi çfarë t’ju bëjmë”, tha Korreshi.
Kujtojmë se ditën e sotme, Sekretariati i Etikës, përjashtoi Flamur Nokën për 30 ditë nga punimet e Kuvendit, Bledjon Nallbatin me 20 ditë, ndërsa Saimir Korreshi u përjashtua vetëm 5 ditë.
