Është zhvilluar këtë të martë seanca për masën e sigurisë në gjykatën e Korçës për shtetasit Kristo Lotis, Deisi Meko dhe Alted Jolldashi për ngjarjen e Pogradecit ku pas shkëmbimit të zjarrit mes palëve mbeti i plagosur shtetasi Alted Jolldashi.
Gjykata e Korçës ka caktuar masën e sigurimit personal “arrest me burg” për të 3 shtetasit.
Kujtojmë se ngjarja ka ndodhur në datën 2 mars dhe sipas policisë, gjatë një konflikti me armë dyshohet se ka qenë Alted Jolldashi, që ka qëlluar i pari dhe më pas dy të tjerët i janë përgjigjur.
Por, vëllai i Alted Jolldashi e ka mohuar një gjë të tillë. Ai ka publikuar një video ku tregon se vëllait të tij i dolën në pritë shtatë persona dhe Deisi Meko ishte ai që e qëlloi katër herë duke e lënë të plagosur.
